St. Michael (Minga)

De katholische Jesuitenkirch St. Michael in Minga is im Erzengl Michael gweiht und steht stilistisch am Ibagang vo Renaissance und Barock. Vui von de Bauideen san vom „Il Gesù“, da remischen Muadakirch vo de Jesuitn ibanumma worn. So is de Münchna „Michaelskirch“ vorbuidgebnd fir vui andre barocke Kirchn im deitschsprochign Raum worn. St. Michael is aa s geistliche Zentrum vo da Gegnreformation in Bayern gwen.

De Kirch steht in da Fuaßgängazone, ebba in da Mitt zwischn Marienplotz und Stachus im Kreizviatl.